ວິທີປະຢັດ Battery ແລະ ວິທີປ້ອງກັນ Battery ເສື່ອມໃນ Smart Phone ແລະ Tablet.

ທຸກໆມື້ນີ້ເປັນຍຸກຂອງ ສະມາດໂຟນ (Smart Phone) ແລະ ແທັບເລັດ (Tablet) ແລ້ວ. ເວລາເຮົາໄປໃສມາໃສກໍ່ຕ້ອງເອົາໄປນຳທຸກໆສະຖານທີ່ ເພື່ອໃຊ້ໃນການເບີ່ງໜັງ, ຟັງເພງ, ຫຼີ້ນ Facebook, ເບີ່ງ YouTube , Chat ກັບໝູ່,​ ຫຼີ້ນເກມ,​ ຊື້ເຄື່ອງທາງອອນໄລ, ການຈອງໂຮງແຮມ, ການອ່ານອີເມວ, ເຮັດທຸລະກຳທາງດ້ານການເງິນ ຫຼື ໃຊ້ເຂົ້າເບີ່ງສາລະໜ້າຮູ້ຢູ່ໃນເວບໄຊ້ຂອງ ສສຕ ອີກດ້ວຍ. ບາງທ່ານທີ່ Admins ເຄີຍເຫັນ ອອກຈາກເຮືອນລືມກະເປົາເງິນກະບໍ່ເທົ່າກັບລືມໂທລະສັບ ທີ່ຕ້ອງໄດ້ກັບເຮືອນໄປເອົາ. ຊຶ່ງອາດເວົ້າໄດ້ວ່າມັນ ມີບົດບາດເຂົ້າມາເປັນ ໜຶ່ງ ໃນບັນດາປັດໃຈ ການດຳລົງຊີວິດຂອງຄົນເຮົາໃນຍຸກນີ້. ແຕ່ພ້ອມກັນນັ້ນ, ບັນຫາຍອດນິຍົມຂອງ Smart Phone ແລະ Tablet ໃນປັດຈຸບັນນັ້ນແມ່ນ ອາຍຸການເຮັດໃຊ້ງານຂອງ Battery ທີ່ຫຼາຍຄົນພົບພໍ້ແມ່ນ ຍັງບໍ່ພຽງພໍກັບການໃຊ້ວຽກ ເພາະບໍ່ວ່າລຸ້ນໃດຍີ່ຫໍ້ໃດ ຖ້າມີການໃຊ້ວຽກແບບຈິງຈັງ ກໍ່ຍັງພົບບັນຫາ Battery ໝົດໄວ, ໃຊ້ບໍ່ພໍເທົ່າໃດເດືອນ Battery ກໍ່ເສື່ອມ. ດັ່ງນັ້ນ, ທາງ ສສຕ ໄດ້ເອົາວີທີການຕ່າງໆ ທີ່ເປັນການປະຢັດ Battery ແລະ ວິທີປ້ອງກັນ Battery ເສື່ອມໄວເກີນໄປ ມາໃຫ້ບັນດາທ່ານໄດ້ຮຽນຮູ້ນຳກັນ.

ວິທີປະຢັດ Battery ຂອງ Smart Phone ແລະ Tablet.

  1. ຫຼຸດແສງຂອງໜ້າຈໍ ຫຼື ເປີດໂໝດປັບແສງອັດຕະໂນມັດ (Auto Adjust)
  2. ປິດ Wi-Fi ເມື່ອບໍ່ໄດ້ໃຊ້ງານ
  3. ປິດການ ຊິງຂໍ້ມູນອັດຕະໂນມັດ (Auto Sync)
  4. ປິດແອັບພຣິເຄຊັ່ນ (Apps)ທີ່ເຮັດວຽກເບື້ອງຫຼັງ .
  5. ຫຼຸດການໃຊ້ Wallpaper ເຄື່ອນໄຫວ ຫຼື ພວກ Widget.
  6. ປິດ GPS ທີ່ຄົ້ນຫາຕໍາແໜ່ງອັດຕະໂນມັດ ຖ້າບໍ່ໄດ້ໃຊ້ GPS ເລື້ອຍໆ.
  7. Mobile Data ຖ້າບໍ່ໄດ້ໃຊ້ອິນເຕີເນັດກໍ່ຄວນປິດ.
  8. ປິດ Bluetooth ເມື່ອບໍ່ໃຊ້. ໂປຣແກຣມສະແກນໄວຣັສນັ້ນ ເຮັດວຽກຢູ່ພື້ນຫຼັງຕະຫຼອດ ຄວນຕັ້ງຄ່າການສະແກນເປັນຊ່ວງເວລາ ຫຼຶ ຖ້າຄິດວ່າບໍ່ຈຳເປັນກໍ່ຄວນຖອນການຕິດຕັ້ງອອກຈາກເຄື່ອງເລີຍ.

ວິທີປ້ອງກັນ Battery ເສື່ອມໄວ.

  1. ຫ້າມສາກ ແລະ ຫຼີ້ນໄປພ້ອມກັນ (ບໍ່ຄວນເດັດຂາດ) ເພາະເວລາສາກອຸນຫະພູມຈະສູງກວ່າປົກກະຕິຫຼາຍຈຶ່ງເຮັດໃຫ້ມີໂອກາດ Battery ເສື່ອມ ແລະ Battery ອາດຈະລະເບີດໄດ້.
  2. ຢ່າຝືນໃຊ້ເວລາ Battery ໃກ້ຈະໝົດ ຫຼື ໃຊ້ຈົນໝົດຮອດ 0 % ແລ້ວຈຶ່ງສາກ
  3. ບໍ່ຄວນສາກໄວ້ຈົນລືມ ຫຼື ສາກຂ້າມຄືນ ຖ້າເຕັມແລ້ວຄວນຖອດອອກ.
  4. ຢ່າປະໂທລະສັບໄວ້ໃນສະຖານທີ່ທີ່ມີ ຄວາມຊຸ່ມສູງ ຫຼື ຄວາມຮ້ອນສູງ ເພາະບັນດາເງື່ອນໄຂນີ້ຈະເຮັດໃຫ້ປະສິດທິພາບ ແລະ ອາຍຸການໃຊ້ງານຂອງ Battery ຫຼຸດລົງ.
  5. ຫ້າມເອົາເຄື່ອງສາກ ຫຼື ຫົວສາກ ທີ່ບໍ່ແມ່ນຂອງສະເພາະມັນເອງ ຫຼື ເຄື່ອງສາກທີ່ບໍ່ມີຄຸນນະພາບມາສາກ ສ່ຽງຕໍ່ການຊ໊ອດ ແລະ ລະເບີດອີກດ້ວຍ.
  6. ຖ້າບໍ່ໄດ້ໃຊ້ເວລາດົນໆ ຫຼາຍມື້ຫຼາຍອາທິດ ຄວນມີ Battery ທີ່ຕໍ່າກວ່າ 100 % ເພາະ Battery ປະເພດ Lithium-ion (ມີຢູ່ໃນໂທລະສັບ ແລະ ແທັບເລັດ ໃນປັດຈຸບັນ) ຈະມີອາຍຸການໃຊ້ງານທີ່ດົນຂຶ້ນຖ້າມີຄວາມບັນຈຸທີ່ຢູ່ລະຫວ່າງ 30% – 50%.
  7. ໃນເວລາສາກ, ບໍ່ຄວນຖອດອອກສຽບເຂົ້າ ຖ້າ Battery ຍັັງບໍ່ເຕັມ ເພາະອາດເຮັດໃຫ້ຮູສາກເພ່ໄວ ແລະ ສ່ຽງເຮັດໃຫ້ Battery ເສື່ອມ

Photo Credit: www.greenoptimistic.com

Source: batteryuniversity.com

ຄົ້ນຫາ

ລາຍການອັບເດດປັດຈຸບັນ