ເປີດໂຕ IPHONE 11 Pro ແລະ IPHONE 11 PRO MAX ມືຖືທີ່ແຮງທີ່ສຸດຂອງ APPLE

ເປັນເທື່ອທຳອິດຂອງ Apple ທີ່ມີລຸ້ນ Pro ເນັ້ນຄົນທີ່ເຮັດວຽກແບບມືອາຊີບ. ເປີດໂຕພ້ອມກັນ 2 ລຸ້ນຄື ເປີດໂຕ iPhone 11 Pro ແລະ iPhone 11 Pro Max ພ້ອມຍົກປະສິດທິພາບເປັນມືຖືທີ່ແຮງທີ່ສຸດຂອງ Apple

ເລີ່ມຕັ້ງແຕ່ພາຍນອກທີ່ເບີ່ງຫຼູຫຼາ ເພາະເປັນການເຄືອບພິເສດທັງໝົດ 4 ສີ ໂດຍເພີ່ມສີພິເສດທີ່ບໍ່ເຄີຍເຮັດມາກ່ອນ ຕົວສີເຄື່ອງກໍ່ຈະມີ Midnight Green, Space Gray, Silver ແລະ Gold

ສ່ວນໜ້າຈໍຈະເປັນຈໍ Super Retina XDR Display ລະດັບດຽວກັບມີອາຊີບໃຊ້, ມີຄວາມສະຫວ່າງ 1,200 Nits, ມີ Contrast Ratio ສູງເຖີງ 2,000,000:1 ແຖມເຄືອບດ້ວຍ Oleophobic ປ້ອງກັນຮອຍນີ້ວມື ຊຶ່ງ iPhone 11 Pro ຈະມີຂະໜາດ 5,8 ນີ້ວ ສ່ວນ iPhone 11 Pro Max ແມ່ນ 6,5 ນີ້ວ

ຊີບປະມວນຜົນຈະເປັນ A13 Bionic Architecture 7 nanometer ໃຊ້ Transistor ຫຼາຍເຖີງ 8,500 ລ້ານໂຕ, ຊີບຈະເປັນ 6 core ແບ່ງເປັນ 4 core ສຳລັບວຽກທີ່ໃຊ້ພະລັງງານຕໍ່າ ສ່ວນອີກ 2 core ແມ່ນວຽກງານທີ່ຕ້ອງການພະລັງງານການປະມວນຜົນສູງໆ ສົ່ງຜົນໃຫ້ໂດຍລວມເຮັດວຽກໄດ້ໄວຂຶ້ນ 20 ສ່ວນຮ້ອຍ

ນອກຈາກນີ້ຍັງມາພ້ອມການປະມວນຜົນ Machine Learning ມີການໃສ່ ML Accelerator ລົງໃນ CPU ສົ່ງຜົນໃຫ້ເຮັດວຽກໄດ້ໄວຂຶ້ນ 6 ເທົ່າ, ຮອງຮັບຄຳສັ່ງໄດ້ 1 trillion ຄຳສັ່ງຕໍ່ວິນາທີ ເຮັດໃຫ້ເປັນມືຖືທີ່ເຮັດວຽກດ້ານ ML ໄດ້ດີທີ່ສຸດ

ເຖີງວ່າຈະເຮັດວຽກໄດ້ດີຂື້ນແຕ່ການປະຢັດພະລັງງານພັດດີຂຶ້ນ ເມື່ອປຽບທຽບກັບລຸ້ນທີ່ຜ່ານມາ iPhone 11 Pro ແລະ iPhone 11 Pro Max ຈະມີແບັດເຕີລີໃຊ້ງານ ໄດ້ດົນຂຶ້ນ 4-5 ຊົ່ວໂມງເມື່ອທຽບກັບລຸ້ນເກົ່າ ແຖມໃນກ່ອງຈະແຖມຫົວສາກ 18w ຮອງຮັບການສາກທີ່ໄວ້ຂຶ້ນ

ການຖ່າຍຮູບ ທັງສອງລຸ້ນມາພ້ອມກັບກ້ອງຫຼັງ 3 ເລນ ຊຶ່ງ ຮັບປະກັນວ່າ ຈະຊ່ວຍໃຫ້ຖ່າຍຮູບລະດັບມີອາຊີບໄດ້ ຊຶ່ງເລນທີ່ໃຫ້ມາຈະແບ່ງເປັນເລນມູມກວ້າງ, ເລນມຸມກວ້າງພິເສດ ແລະ ເລນເທເລຊູມ 2 ເທົ່າ.

ໃນການຖ່າຍຮູບນັ້ນ ກ້ອງທັງ 3 ຈະເຮັດວຽກຮ່ວມກັນໃນການເກັບແສງ, ສີ ແລະ ຄວາມລະອຽດ ແບບ Real time, Auto Focus, Tone, Color mapping ວັດແທກຄ່າ exposure ໃຫ້ອັດຕະໂນມັດ, ເຮັດວຽກປະສານກັນໃນ feature ໃໝ່ທີ່ຊື່ວ່າ Deep Fusion ເອົາ AI ມາຊ່ວຍລວມຮູບຖ່າຍ 9 ຮູບເຂົ້າກັນ ເພື່ອໃຫ້ໄດ້ຮູບພາບທີ່ດີທີ່ສຸດ, ຮອງຮັບການເຮັດວຽກກັບແອັບຖ່າຍຮູບຫຼາຍກວ່າ 30,000 ແອັບໃນ App Store.

ໃນສ່ວນຂອງການຖ່າຍວີດີໂອ ຮອງຮັບການຖ່າຍ 4K ໃນ 60 fps ແລະ ມາພ້ອມເຄື່ອງມືຕັດຕໍ່ວີດີໂອມາໃຫ້ໃນເຄື່ອງເລີຍ

ລາຄາຂາຍ iPhone 11 Pro ລາຄາເລີ່ມຕົ້ນ $999 ສ່ວນ iPhone 11 Pro Max ລາຄາເລີ່ມຕົ້ນ $1099 ເລີ່ມເປີດໃຫ້ຈອງໃນວັນສຸກທີ 13 ນີ້ ເລີ່ມສົ່ງເຄື່ອງ 20 ກັນຍານີ້

ແຫຼ່ງຂໍ້ມູນ : https://www.dailygizmo.tv

ຄົ້ນຫາ

ລາຍການອັບເດດປັດຈຸບັນ