ເຜີຍແຜ່ຜົນປະໂຫຍດການນຳໃຊ້ໄອຊີທີ ແລະ ນິຕິກຳ ກ່ຽວກັບການນຳໃຊ້ສື່ສັງຄົມອອນລາຍ ຢູ່ສະຖາບັນ ຣັຕນະ ບໍລິຫານທຸລະກິດ

Tags: ,

ເຜີຍແຜ່ ໄອຊີທີ ແລະ ນິຕິກຳ

         ເພື່ອເປັນການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ II ຂອງອົງຄະນະພັກ ກະຊວງ ໄປສະນີ,  ໂທລະຄົມມະນາຄົມ ແລະ ການສື່ສານ (ປທສ), ໃນວັນທີ 21 ກໍລະກົດ 2020, ສູນສົ່ງເສີມການນຳໃຊ້ເຕັກໂນໂລຊີການສື່ສານຂໍ້ມູນຂ່າວສານ ຮ່ວມກັບ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ໄດ້ມີການລົງໄປເຜີຍແຜ່ຄວາມຮູ້ ຜົນປະໂຫຍດການນຳໃຊ້ ໄອຊີທີ ໃນຊິວິດປະຈຳວັນ ແລະ ນິຕິກຳ ທີ່ກ່ຽວຂ້ອງກັບສື່ສັງຄົມອອນລາຍ ຢູ່ທີ່ສະຖາບັນ ຣັຕນະ ບໍລິຫານທຸລະກິດ ໂດຍໃຫ້ກຽດເປັນປະທານໃນງານເຜີຍແຜ່ຄັ້ງນີ້ ແມ່ນ ທ່ານ ສຸລິຍາ ຄຳບຸຣາວົງ ຫົວໜ້າສູນສົ່ງເສີມ ແລະ ທ່ານ ສົມເພັດ ຣັຕນະສິນ ຜູ້ອຳນວຍການໃຫຍ່ ສະຖາບັນ ຣັຕນະ ບໍລິຫານທຸລະກິດ. ເຊິ່ງໃນການເຜີຍແຜ່ເອກະສານໃນຄັ້ງນີ້ ແມ່ນເພື່ອເຜີຍແຜ່ຄວາມຮູ້, ການນຳໃຊ້ ແລະ ນະວັດຕະກຳທາງດ້ານໄອຊິທີ ໃຫ້ກັບບັນດານ້ອງໆນັກສຶກສາໃນສະຖາບັນ ໃຫ້ມີຄວາມຮູ້ ແລະ ກຽມຄວາມພ້ອມ ເພື່ອຮັບມືກັບການປ່ຽນແປງທາງດ້ານເຕັກໂນໂລຊີຂໍ້ມູນຂ່າວສານ ແລະ ພ້ອມກັນນັ້ນຍັງເຮັດໃຫ້ນ້ອງໆນັກສຶກສາມີຄວາມຮູ້ທາງດ້ານນິຕິກຳ ທີ່ກ່ຽວຂ້ອງກັບການນຳໃຊ້ສື່ສັງຄົມອອນລາຍ, ເພື່ອໃຫ້ມີສະຕິລະວັງໂຕສູງໃນການນຳໃຊ້ ແລະ ບໍ່ຜິດຕໍ່ລະບຽບກົດໝາຍທີ່ໄດ້ວາງອອກ.

 

ຂໍ້ມູນ ແລະ ຮູບພາບໂດຍ: Webmaster

ຄົ້ນຫາ

ລາຍການອັບເດດປັດຈຸບັນ